Чалқанча ётиш
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ассалому алайкум! Устоз, чалқанча ётиш қандоқ бўлади?
ЖАВОБ: Бисмиллаҳир Роҳманир Роҳийм.
ЧАЛҚАНЧА ЁТИШ
Уббод ибн Тамиймдан, у амакиси (Абдуллоҳ ибн Зайд ибн Осим ал-Мозаний)дан ривоят қилинади:
«Ул зотни кўрдим», – деган эди, мен Уяйна-га:
«Набий соллаллоҳу алайҳи васалламни-ми?» – дедим. У:
«Ҳа, чалқанча тушиб, бир оёқларини ик-кинчиси устига қўйиб ётганларини», деди».
Демак, чалқанча тушиб ётиш жоиз бўлиб, бу иш Расулуллоҳ соллаллоҳу алайҳи васалламдан собит бўлган экан. Бундай ҳолда ётишни манъ қилган ри-воятларда аврат очилиб қолиши эҳтимоли кўзда тутилганлигини уламоларимиз алоҳида таъкидла-ганлар.
Умму Бакр бинти ал-Мисвордан, у отаси-дан ривоят қилинади:
«Мен Абдурроҳман ибн Авфнинг бир оёғини иккинчиси устига қўйиб, чалқанча ёт-ганини кўрдим».
Абдурроҳман ибн Авф Расулуллоҳ соллаллоҳу алайҳи васалламга бардавом ҳамсуҳбат бўлган улуғ саҳобалардан ҳисобланадилар. Шундай улуғ зотлар нима иш қилган бўлсалар ҳам буни албатта Расулуллоҳ соллаллоҳу алайҳи васалламдан кўрган бўладилар. Валлоҳу аълам.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
