Зикр ҳар бир яхшиликнинг калитидир
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Шайх Муҳаммад Мутаваллий Шаъровий раҳимаҳуллоҳ вафот этгани ҳақидаги хабар радио орқали эълон қилинганида радио мухбири Суриянинг собиқ муфтийси Шайх Аҳмад Куфтару раҳимаҳуллоҳдан сўради:
Шайх жаноблари! Марҳамат қилиб айтингчи, бир мусулмон олим сифатида, қолаверса, шайх Шаъровийнинг яқин биродари сифатида у кишининг илмда мана шундай юксак мартабага эришиши ва Аллоҳ таолонинг у кишига илмни очиб беришининг сири нимада деб ўйлайсиз?
Шайх Аҳмад Куфтару раҳимаҳуллоҳ шундай жавоб берди:
Ўтган йили шайх Шаъровийнинг зиёратига борган эдим. У киши бемор эканлар. Икки ёнбошларига ёстиққа суяниб олган эканлар. Мен у кишидан шу хақида сўрадим, яъни Аллоҳ таоло сизга илмни очиб беришининг сири нимада?-дедим. Шайх чўнтагига қўлини тиқиб, ундан тасбеҳни чиқардида: мана бу, яъни Аллоҳни кўп зикр қилиш. Зикр ҳар бир яхшиликнинг калитидир. Аллоҳ таоло ҳадиси Қудсийда: «Мен мени зикр қилган бандамнинг ёнидаман», деган, деб жавоб берди.
Орифлардан бирлари: Раббим мени қачон зикр қилишини мен биламан, деди. Унинг гапини тинглаб ўтирганлар хайрон бўлишди ва: буни қаердан биласиз?-дейишди. Ориф зот: ажойибсизларда, ахир Аллоҳ таолонинг қуйидаги оятини ўқимаганмисизлар:
(Мени зикр қилинглар, шунда Мен ҳам сизларни зикр қиламан), деган экан.
Манба: https://t.me/tuhur
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
