Тарнов тарихи
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Каъба томида, Хатим устида тарнов бўлиб, у ёмғир ёққанда, том ювилганда сувни оқизиш учун ўрнатилган. Буни биринчи бўлиб Қурайш томни қурганида ўрнатган.
Баъзи салафлардан ворид бўлишича, мезоб, яъни тарнов остида қилинган дуо ижобат қилинади.
У ҳижрий 1417, милодий 1996 йили Каъбани қуриш асносида янгиланган. Аввалги мезоб ўлчовидек қилиб Усмонли халифаси, Султон Абдулмажидхон ҳижрий 1273, милодий 1857 йили ҳадя қилган. Унинг бошланишига «Бисмиллаҳир Роҳманир Роҳийм», чап томонига «Йа Аллоҳ», деб ёзилган. Бу мезоб икки шарафли ҳарам ходими подшоҳ Фаҳд ибн Абдулазиз томонидан янгиланган. Мезобнинг тепа қисмига қушларнинг қўнмаслиги учун тилла суви юритилган михлар қоқилган.
Мезобнинг Соф узунлиги 2 метр 53 см. Деворнинг ички ўлчами 58 см.
Девордан ташқаридаги узунлик 1 метр 95 см. Баландлиги 23 см.
Эни 26 см.
Макка, Каъба, Замзам тарихи, ҳаж ва умра маносиклари» китобидан.
Ушбу китоб Ўзбекистон Республикаси Дин ишлари бўйича қўмитанинг 2022 йил 7 сентябрдаги 03-07/ 6905-рақамли хулосаси асосида тайёрланди.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
